Real Confraría do Santísimo Cristo da Unción e Nosa Señora da Serenidade

Desde o ano 1953

Colexio-da-Inmaculada-boceto-byn
Colexio-da-Inmaculada-boceto
Colexio-da-Inmaculada

A nosa Sede

Capela do Colexio “A Inmaculada” 

Rúa de Concepción Arenal, 11

15702 Santiago de Compostela

 

cofradiahermanos@semanasantansantiago.es

ver mapa

É actualidade

Tradición e Historia en imaxes

A NOSA HISTORIA

A Real Confraría Penitencial do Santísimo Cristo da Unción e da Nosa Señora da Serenidade, tal é a súa denominación oficial, fundouse por iniciativa da Asociación de Antigos Alumnos das Escolas da Inmaculada de Santiago no ano 1953 e saíu por primeira vez á rúa o Sábado Santo do ano seguinte. Tras un baleiro de varios anos, en 1993, e grazas ao empeño dun grupo de antigos alumnos e confrades, recuperou a súa presenza na Semana Santa compostelá.

 

Así, cada Sábado Santo, as rúas da zona antiga compostelá acollen a beleza dos pasos da Virxe da Serenidade, do Cristo da Unción, do Cristo Crucificado e da Sección de Infantes da Serenidade (nenos menores de 14 anos) coa chamada Cruz dos Infantes.

 

En febreiro de 2014, a Casa do Rei concédelle o título de Real.

 

Os fins desta Confraría son a promoción do culto público, no nome da Igrexa, dos misterios da Paixón, Morte e Resurrección do Señor, do Santísimo Sacramento da Eucaristía, da Santísima Virxe María e dos santos.

 

Actualmente, a Confraría está irmandada coa Pontificia, Real e Ilustre Confraría da Nosa Señora das Angustias de Ferrol, coa Confraría da Santa Cea de Baeza de Xaén e coa Ilustre, Humilde e Fervorosa Irmandade e Confraría de Nazarenos da Flaxelación do Noso Pai Xesús da Bondade e María Santísima do Consolo de Cidade Real.

IMAXINERÍA

NOSA  SEÑORA  DA  SERENIDADENosa-Señora-da-Serenidade

Pensouse que a titular sería unha Virxe, que representaría a María, pero non en actitude de contida ou desbordada dor, como era habitual, senón de nai que entende e acepta o sacrificio do seu Fillo e que, serena, sabe que ese sacrificio marcaría o comezo dunha nova xeración na historia da humanidade.

 

Foi ese modelo representativo o que se lle encargou ao escultor, artista e antigo alumno das escolas, don Castor Lata. E o artista reproduciu exactamente o que se lle pediu. Tallou a doce figura que, de inmediato, foi bautizada como Virxe da Serenidade e que en 1954 saía ás rúas de Santiago por primeira vez.

 

 

Santísimo-Cristo-da-UnciónSANTÍSIMO CRISTO DA UNCIÓN

No ano 1957, estreábase un novo paso, tamén do xenial autor don Castor Lata, o Cristo da Unción. A idea inicial dun Cristo xacente rodeado de anxos cambiouse, por consello do cardeal Quiroga, pola que logo foi a definitiva, o momento do enterro co corpo exánime de Xesús, acollido entre os santos homes, mentres un anxo, recordo do proxecto inicial, lles daba acubillo amorosamente.

 

 

Cruz-dos-Infantes

CRUZ DOS INFANTES

Nese mesmo ano, creouse a Sección dos Infantes, que despois se convertería, ata a actualidade, nun dos principais sinais de identidade da irmandade. Está conformada por vinte e dous nenos portadores dunha gran cruz e é única ata hoxe en Galicia e tamén en España. Tamén se creou a Sección das Damas da Serenidade, nun momento no que ás mulleres non lles estaba permitido integrar as confrarías como penitentes con hábito.

 

 

 

 

 

Cristo-Crucifixado

CRISTO CRUCIFIXADO

No ano 2006, constitúese a Sección Xuvenil, formada por un grupo de trinta e un mozos e creada cunha aspiración de integrar todos os mozos e de lles dar continuidade dentro da irmandade. Ese mesmo ano, a Sección Xuvenil saca á rúa unha imaxe de Cristo crucificado, que se atopa exposta na capela da Escola.

 

 

Procesións

PROCESIÓN DOS IRMÁNS  

Sábado Santo ás 20 horas


PERCORRIDO

 

Concepción Arenal - Rúa García Blanco - Rúa Concepción Arenal - Rúa Fonte de Sto. Antonio - Rúa Orfas - Rúa Nova - Rúa de Xelmírez - Praza das Praterías - Rúa do Vilar - Porta Faxeira - Campo da Estrela - Rúa Senra - Rúa Fonte de Sto. Antonio - Rúa Concepción Arenal

 

Faite Confrade

COTA:

Adultos: 20 €    Nenos (menores de 18 anos): 15 € 

Estatutos