Na actualidade, Santiago de Compostela conta cun total de 11 Confrarías de Semana Santa. Algunhas delas teñen documentación sobre a súa fundación que as sitúa no século XVI, e outras, que poñen de manifesto a importancia e arraigo da nosa Semana Santa, foron fundadas nos anos 2005 e 2008. En total son 16 as procesións que percorren o casco histórico compostelán desde o Venres de Dores ata o Domingo de Resurección, contando ademáis, cunha procesión de traslado a "Dominica In Albis" (o segundo Domingo de Pascua). Todas elas procesionan nas inmediacións da Catedral de Santiago, e son caracterizadas pola súa solemnidade e silencio, que tan só e interrumpido polo son das cornetas e o ritmo dos tambores, cuxos ecos retumban nas rúas de pedra baixo a luz ámbar das farolas.